24-27-октябрь кунлари Самарқанд шаҳрида ICTWЕЕК Uzbekistan 2022 саммити бўлиб ўтмоқда.Тадбирда хорижлик меҳмонлар, вазирликлар ва IT-саноат вакиллари, шунингдек, IT-Med мутахассислари иштирок этмоқда.

Мазкур саммит тажриба алмашиш ва Ўзбекистон IT-бозорининг сўнгги технологик ютуқларини намойиш этиш учун майдон бўлиб хизмат қилади, хорижий инвесторлар учун жозибадорликни ошириб, давлат, хусусий компаниялар ва истеъмолчилар ўртасидаги ўзаро ҳамкорликнинг янги йўлларини очишга хизмат қилади.

Тадбир дастури кенг қамровли – сўнгги рақамли технологиялар, барқарор ривожланиш тенденциялари, сунъий интеллект, Big Data ва бошқалар. Тадбир доирасида, шунингдек, SAP, Nokia, Astana Hub, ZTE, HUAWEI, Яндекс, Иннотех каби 100 дан ортиқ компания ва ташкилотлардан иштирокчиларни жалб этган йиллик ICT EXPO кўргазмаси ҳам ўтказилади.